Revista PERPJEKJA

Ballkan, dhe veçanërisht në tokat shqiptare, tradita patriarkale vazhdon të veprojë. Lëvizja e grave, atje ku ekziston, ndeshet me probleme krejtësisht të ndryshme nga ato të vendeve perëndimore. Gazetarja kroate Slavenka Drakuliç ka shkruar rreth lëvizjeve të grave në Europën Lindore; në një diskutim të kohëve të fundit me Delina Ficon, ajo paraqetpunën e saj në Shqipëri. (shih shtojcën në fund). Misteri që rrethon impaktin heroik të dy figurave mashkullore të shekullit të pesëmbëdhjetë në Shqipëri, është fuqizuar në shekujt në vazhdim deri në atë pikë sa fjalët dhe veprimet e tyre i japin formë të gjithë aspekteve të jetës. E kam fjalën sigurisht për Gjergj Kastriotin (Skënderbeun) dhe Lekë Dukagjinin, kodi i të cilit rregullon veçanërisht trajtimim dhe mënyrën e të sjellurit të grave në Shqipërinë e veriut. Duhet vënë në dukje se shoqëria shqiptare po ndryshon me shpejtësi, dhe pjesa më e madhe e këtij studimi i referohet vetëm zonave rurale, dhe veçanërisht veriut të Shqipërisë.