Revista PERPJEKJA

Në hapësirat e mendimit dhe të kritikës filozofike, e në tërësi të jetës së shoqërisë shqiptare, Hannah Arendt thuajse nuk është përmendur kurrë ndonse, ndoshta, ajo duhej të ishte nga të parat filozofe të kohës moderne që duhej të vinte në Shqipëri fill pas shembjes së Murit të Berlinit dhe vendosjes së pluralizmit.

Ngjarjet historike të rilindjes sonë kombëtare, prej Kongresit të Berlinit (1878) gjer në shpalljen e pamvarësisë (1912), sa të pasura aqë edhe të kokllavitura në vet-vete, pritnin shkollarin dhe studionjësin që t'i shfletësonte, t'i shoshitte, t'i lidhte njerën me tjetrën, dhe t'i nxirrte në dritë.

Më 4 tetor 1980 Shoqëria për Studime Shqiptare në Shtetet e Bashkuara organizoi një mbrëmje tributi për profesor Stavro Skëndin. Studiues shqiptarë dhe amerikanë u mblodhën për të shprehur vlerësimin e tyre për punën e dr. Skëndit lidhur me Shqipërinë dhe Ballkanin.