Revista PERPJEKJA

Ndodheni këtu: Faqja kryesore
E Shtunë, 23 Tet 2021
E Shtunë, 22 Tetor 2011 22:04

A do të mbetej shqipja jetime pa ilirishten?

Ndërsa përkatësia e gjuhës shqipe në familjen e gjuhëve indo-evropiane në radhët e studiuesve ka kohë, të paktën që prej shkrimit të Franz Bopp-it Über das Albanesiche in seinen verwandtschaftlichen Beziehungen,

botuar në Berlin në vitin 1854, që konsiderohet si communis opinio, prejardhja e saj ka qenë vazhdimisht objekt diskutimesh dhe debatesh të zjarrta, në të cilat ndryshe nga fushat e tjera, e ndjen veten në gjendje dhe kompetent të përfshihet, të thotë dhe të mbrojë mendimin e vet kushdo. Shkaku kryesor për këto diskutime të parreshtura qëndron në faktin se me vërtetimin e përkatësisë së gjuhës shqipe në familjen e gjuhëve indo-evropiane mund të thuhet edhe se shqiptarët bëjnë pjesë ndër popujt e lashtë të Evropës, por nuk mund të thuhet shumë për të mos thënë asgjë në lidhje me autoktoninë apo vendbanimet e hershme të shqiptarëve.