Revista PERPJEKJA

Rrëfimi E madhe është gjëma e mëkatit, shkruar nga Mitrush Kuteli në vitin 1947, kohë shumë e vështirë për autorin, shquhet si një prej krijimeve më përfaqësuese të tij. Në kontekstin e periudhës kur është shkruar, mund të themi pa mëdyshje se Kuteli ka patur vetëdijen e plotë që po nxirrte duarsh një tekst të destinuar për në sirtar.

Nga një vështrim historiko letrar mund të pohojmë se në letërsinë shqiptare zhanri dramatik shfaqet i zbehtë ballafaquar me zhanret e tjera. Sintetikisht rezulton se deri në periudhën e Rilindjes Kombëtare, përfshirë edhe atë vetë, zhanri dramatik është pothuaj mungesor.

Objekt shqyrtimi do të jetë cikli poetik Vallja e Përjetësisë dhe Zemra e Përjetësisë, i cili rezulton grishës për studiuesit e Lasgush Poradecit. Megjithë një traditë jo të pakët interpretuese, ne kemi konstatuar se cikli