Këto pak takime ma kishin lënë Portin e Durrësit në kujtesë si diçka të rëndë, të lartë sa vaporët e fëminisë, por edhe pak solemne e të zymtë si dora e shtetit që na pat mbërthyer tamam kur pandehëm se ia kishim hedhur.
Ishte hera e tretë që do të shkelja në portin e Durrësit dhe hera e parë duke ardhur nga deti. Kisha qenë më së pari i vogël me babain dhe vëllanë për të parë vaporin e ri dymbëdhjetëmijëtonësh Vlora , kurse herën e dytë kisha kaptuar fshehurazi