Revista PERPJEKJA

(Dukagjini në veriperëndim të vendit dhe Kurveleshi në jugperëndim).Gjatë kërkimeve të mija jam përballur shpesh me një numër nocionesh, konceptimesh, interpretimesh, imazhesh dhe stereotipesh mbi karakterin e njerëzve të malësisë. Udhëtarë të huaj, diplomatë dhe shkencëtarë, kanë mbetur të impresionuar nga zakonet primitive dhe sjelljet e çuditshme të malësorëve, si në veri ashtu edhe në jug. Shumë prej tyre e kanë konsideruar malësinë si një relike të zakoneve të vjetra që të jep një mundësi unike për vëzhgimin e të kaluarës shoqërore të njerëzimit, dhe, në kohët e fundit, mundësinë për hetimin e tranzicionit nga tradita në modernizim. Nga ana tjetër historiografia dhe etnografia shqiptare filloi më 1950 të studjojë të kaluarën kulturore të këtyre zonave. Një element i rëndësishëm i kësaj orvatjeje ishte studimi i zakoneve vendore dhe mbledhja e miteve, ritualeve dhe zakoneve të malësorëve.