Viktima të Detyrës e Joneskos, vënë në skenë nga studentët e vitit të katërt, me regjizor Arben Kumbaron, ishte një realizim që na duket se premton një teatër shqiptar bashkëkohor. Për shfaqjen u fol mjaft edhe në shtypin e përditshëm, jo vetëm nga pikpamja artistike, por edhe pse aty, për herë të parë në historinë e teatrit shqiptar del një nudo në skenë dhe ngaqë ajo u pezullua për shkak se drejtoria e Institutit e kishte premtuar skenën për një sfilatë mode... I drejtuam disa pyetje regjizorit Kumbaro për t'i kërkuar mendimin rreth ndonjë mëdyshjeje që na lindi pasi pamë Viktima të Detyrës.
